ესენცია სამი დღით ადრე მოამზადეთ, უფრო არომატულია. ქიშმიში დაალბეთ წყალში (დავტოვე ორი საათით) და შემდეგ კარგად გაამშრალეთ. 20 წუთი დაელოდეთ საფუარის გააქტიურებას. კვერცხი და შაქარი გათქვიფეთ გათეთრებამდე5)შემდეგ დაუმატეთ არაჟანი. გამდნარი კარაქი და რძე. ასევე გადაიტანეთ ზეთი +გააქტიურებული საფუარი და სუნელები. ბოლოს გადაგვაქვს ფქვილი, მოზილეთ რბილი ცომი (კარგად დაამუშავეთ ცომი, დაახლოებით 30 წუთი დაგჭირდებათ). ცომი ორი ნაწილად გავყავი, კარგად შეფუთეთ და დატოვეთ ღუმელში დაბალ გრადუსზე ასაფუებლად. ამოსული ცომი კარგად გადაზილეთ და მოათავსეთ ფორმებში. ფორმებში ცომი დააყოვნეთ 30-40 წუთი. ღუმელი წინასწარ გააცხელეთ, ეს აუცილებელია. გამოაცხვეთ 160 გრადუსზე 1 საათით (ქვედა წვაზე). ხოლო ბოლო 10 წუთი კი ზედა-ქვედა წვაზე. პასკა ფორმიდან მხოლოდ მას შემდეგ ამოიღეთ, რაც სრულად გაცივდება, რათა ფორმა უკეთ შეინარჩუნოს. 1. "დუბაის პასკის" შიგთავსი ინგრედიენტები: 100გ მოხალული ქადაიფის ცომი, 2 ს.კ. ფსტის პასტა, 50გ გამდნარი რძიანი შოკოლადი. მომზადება: ქადაიფი დააქუცმაცეთ, შეურიეთ ფსტის პასტა და შოკოლადი. გამოყენება: გაცივებულ პასკას ამოუღეთ გული და ჩაასხით მასა. ზემოდან მოასხით შოკოლადის განაში. 2. ფსტის კრემი მარწყვის კონფი: ინგრედიენტები: 200გ მარწყვი (ახალი ან გაყინული), 40გ შაქარი, 5გ სიმინდის სახამებელი + 1 ს.კ. ცივი წყალი. მომზადება: მარწყვი და შაქარი დააბლენდერეთ, დადგით ცეცხლზე და წამოადუღეთ. წყალში გახსნილი სახამებელი ნელ-ნელა ჩაასხით მარწყვში და ურიეთ 1-2 წუთი, სანამ არ გასქელდება. აუცილებლად სრულად გააცივეთ. ფსტის კრემი: ინგრედიენტები: 1ლ რძე, 6 კვერცხის გული, 200გ შაქარი, 80გ სიმინდის სახამებელი, 100გ კარაქი, 2ს.კ ფსტის პასტა, 80გ რძიანი შოკოლადი. მომზადება: რძე წაიღეთ გასაცხელებლად. ჯამში მოათავსეთ კვერცხის გულები და შაქარი, კარგად ათქვიფეთ. დაუმატეთ ფქვილი/ სახამებელი — აურიეთ. თბილი რძე ნელ-ნელა გადაიტანეთ კვერცხის მასაში. ყველაფერი დააბრუნეთ უკან ქვაბში (საცერის საშუალებით) და დადგით დაბალ ცეცხლზე. კრემი თანდათან დაიწყებს გასქელებას. როდესაც ადუღდება, დატოვეთ ისევ 2-3 წუთი და გადმოდგით. ცალკე ჯამში მოათავსეთ კრემი და ცხელშივე გადაიტანეთ კარაქი. შეგიძლიათ სამ ნაწილად გაყოთ კრემი და ერთ ნაწილს დაუმატოთ ფსტის პასტა ხოლო მეორეს შოკოლადი. დაგრინეთ კონტაქტურად და დაელოდეთ რომ გაგრილდეს. ბოლოს კი, ცივი კრემი ხელის სათქვეფის საშუალებით მოურიეთ და შეგიძლიათ უკვე გამოყენება. მომზადების წესი: პასკას თავი მოაჭერით ან შუაგული ფრთხილად ამოუღეთ (ისე, რომ ძირი არ დაუზიანდეს). ჯერ ჩაასხით 1-2 სუფრის კოვზი მარწყვის კონფი. ზემოდან დაამატეთ ფსტის კრემი (საკონდიტრო ტომრით უფრო მოხერხებულია). თუ გსურთ, შეგიძლიათ ფენები გაიმეოროთ. ბოლოს დააფარეთ მოჭრილი თავი და მორთეთ სურვილისამებრ. პატარა რჩევა: მარწყვის კონფის მომზადებისას შეგიძლიათ რამდენიმე წვეთი ლიმონის წვენიც დაამატოთ, რომ ფერი უფრო კაშკაშა დარჩეს. 3. მარწყვისა და თეთრი შოკოლადის შიგთავსი ინგრედიენტები: 150გ მარწყვის პიურე, 1 ჩ.კ. სიმინდის სახამებელი, 100გ თეთრი შოკოლადი. მომზადება: პიურე და სახამებელი წამოადუღეთ გასქელებამდე. ჩააგდეთ შოკოლადი და ურიეთ მის დნობამდე. გამოყენება: როცა მასა გაგრილდება, გამოიყენეთ პასკის შესავსებად. ზემოდან მორთეთ სურვილისამებრ.
