მოამზადეთ ინგრედიენტები. მნიშვნელოვანია, რომ პელმენი იყოს გაყინული - მათი წინასწარ გალღობა საჭირო არ არის. აეროგრილის ქვედა სადგამს (ან კალათას) წაუსვით ცოტაოდენი ზეთი. დაალაგეთ პელმენები ერთ ფენად ისე, რომ ერთმანეთს არ ეხებოდეს - ასე ჰაერი უკეთ იცირკულირებს და თანაბრად დაიბრაწება. პელმენებს ზემოდანაც მოასხურეთ ცოტაოდენი ზეთი და მოაყარეთ თქვენთვის სასურველი სუნელები (მაგალითად: ხმელი სუნელი, პაპრიკა ან სპეციალური ხორცის საკაზმი). დააყენეთ აეროგრილი 180°C ტემპერატურაზე. აცხვეთ 12-15 წუთის განმავლობაში (დრო დამოკიდებულია პელმენის ზომაზე). შუა პროცესში შეგიძლიათ კალათა შეანჯღრიოთ, რომ უკეთ ამოტრიალდეს. როგორც კი პელმენი კარგად დაიბრაწება და ოქროსფერს მიიღებს, გადმოიღეთ თეფშზე. მიირთვით ცხელი არაჟანთან, ნივრიან სოუსთან ან კეტჩუპთან ერთად. ზემოდან შეგიძლიათ მოაყაროთ დაჭრილი მწვანილი მეტი არომატისთვის.გემრიელად მიირთვით!
