მაქმანიანი ბლინები - ექფქტური და მარტივი ხელოვნება
მაქმანიანი ბლინები - ექფქტური და მარტივი ხელოვნება
დრო 30წთ
ულუფა 4
სირთულე მარტივი
შეინახე რეცეპტი
უბრალო ბლინიც შეიძლება იყოს ხელოვნების ნიმუში! მოუხმეთ ფანტაზიას და ჩაატარეთ ექსპერიმენტები. 

თავიდან შესაძლოა არც ისე ლამაზი გამოგივიდეთ, მაგრამ რამდენიმე ბლინის შემდეგ ნამდვილად შეძლებთ მსგავსი სილამაზის შექმნას.

ინგრედიენტები

  • ფქვილი - 7 სავსე სუფრის კოვზი
  • მარილი
  • კვერცხი - 3
  • შაქარი - 1 ს.კ
  • რძე - 300 გ
  • ზეთი - 2 ს.კ
მომზადების წესები
კვერცხი და შაქარი  ავთქვიფოთ, დავამატოთ რძე, შემდეგ კი გაცრილი ფქვილი. კარგად ავთქვიფოთ რომ კოშტები არ დარჩეს. ბოლოს დავამატოთ მარილი და ზეთი.

გავაცხელოთ ტაფა. ჩავასხათ ცომი დოზატორიან ბოთლში (მაგალითად კეტჩუპის ბოთლი ან წყლის ბოთლი, რომლის თავსახურსაც გავხვრეტთ წინასწარ). დავასხათ ტაფაზე ცომი და თან ნებისმიერი ფორმა მივცეთ: გულის, ყვავილის, ვარსკვლავის და ა.შ.

გამოვაცხოთ ორივე მხრიდან.
ტეგები:
ბლინი ნანახია: 25191