ინგრედიენტები მოცემულია 2 ფირფიტისთვის. ჯერ კვერცხის ცილები კარგად ავთქვიფოთ. შემდეგ, ათქვეფის პროცესში, ნელ-ნელა დავუმატოთ შაქარი და გავაგრძელოთ თქვეფა, სანამ მასა ფაფუკი და პრიალა არ გახდება. ამის შემდეგ ერთ-ერთად დავუმატოთ კვერცხის გულები. შემდეგ დავამატოთ ვანილი და თაფლი. სოდა გავააქტიუროთ ძმრით და შევურიოთ მასას. ბოლოს დავამატოთ ფქვილი და ნიგოზი. ყველაფერი ნაზად, მსუბუქი მოძრაობებით გადავურიოთ, რომ მასა ჰაეროვანი დარჩეს.მასა გადავანაწილოთ საცხობ ფორმაზე. მე ამ რაოდენობით ორ ფირფიტას ვაცხობ, თითოეულს ცალ-ცალკე. ვაცხობ 170°C-ზე, დაახლოებით 12-15 წუთის განმავლობაში, სანამ ფირფიტა ლამაზ ოქროსფერ შეფერილობას არ მიიღებს. რჩევა: იმისთვის, რომ ბისკვიტი კიდევ უფრო ჰაეროვანი გამოვიდეს, აუცილებლად გაცერით ფქვილი ორჯერ.
