ცომის მომზადება: შაქარი, ვანილი და კაკაო ავურიოთ ერთმანეთს. დავასხათ რძე და დავდგათ ძალიან დაბალ ცეცხლზე სქელძირიანი ქვაბით. შაქარი რომ გადნება, დავამატოთ კარაქი და თაფლი. როდესაც მივიღებთ ერთფეროვან მასას, ჩავამატოთ სოდა და ვურიოთ გამუდმებით დაახლოებით 7 წუთი. გადმოვდგათ, ოდნავ შევაგრილოთ და შევათქვიფოთ მსუბუქად გათქვეფილი კვერცხი. ბოლოს დავაყაროთ ფქვილი (გამოიყენეთ ზუსტად რეცეპტში მითითებული რაოდენობა, მეტი არ დაამატოთ). თავიდან მასა იქნება წებოვანი და გეგონებათ, რომ კიდევ საჭიროებს ფქვილს, მაგრამ მეტი არ დაამატოთ. დაასვენეთ ცომის მასა დაახლოებით 15 წუთი - ნახავთ, რომ ხელზე აღარ მიგეკრობათ. დავყოთ გუნდებად. გაბრტყელებისას გამოვიყენოთ ფქვილი, ხოლო გამოცხობამდე დავჩხვლიტოთ ჩანგლით. გავაბრტყელოთ ძალიან თხლად. (30 სმ დიამეტრის თეფშით დაჭრის შედეგად გამოვიდა 13 ფენა; გაზის ჟარუნაზე გამოცხობის შემთხვევაში კი - 7 ფენა). ვაცხოთ წინასწარ გახურებულ ღუმელში 180 გრადუსზე, 3-4 წუთის განმავლობაში. კრემის მომზადება: კვერცხი გავთქვიფოთ შაქართან, ვანილსა და სახამებელთან ერთად. დავასხათ ცხელი რძე და დავდგათ დაბალ ცეცხლზე. ვურიოთ გამუდმებით - დაახლოებით 10 წუთში მზადაა. გავაციოთ. (მასას დავაფაროთ სამზარეულოს ცელოფანი, რომ თავი არ მოუხმეს). ცალკე ვთქვეფთ კარაქს და ნელ-ნელა ვათქვეფთ მასში გაციებულ კრემის პუდინგს. აწყობისას ხშირად ვაჭრი გვერდებს. მოჭრილი ნარჩენები შეგვიძლია დავბლენდეროთ და ტორტი ისე მვრთოთ. ამჯერად მოვასხი მინანქარი, ხოლო ფენებზე კრემს მოვაყარე ქოქოსის ფანტელი. ნამცხვარს ვაცხობ წინა საღამოს და მეორე დღეს არის უგემრიელესი!
