ქვაბში ჩაასხით 2 კვერცხი და დაამატეთ 4 სუფრის კოვზი ფქვილი, კარგად ათქვიფეთ ხელის სათქვეფით.დაამატეთ 380 მლ რძე და კვლავ კარგად აურიეთ. მიღებული მასა საწურში გაატარეთ, რომ ერთგვაროვანი გახდეს.დაუმატეთ 1 ქილა (380 გრ.) შესქელებული რძე და კარგად ათქვიფეთ. დადგით ცეცხლზე (საშუალო ტემპერატურაზე) და მუდმივად უტრიალეთ ხელის სათქვეფი, სანამ მასა არ გასქელდება და პირველ ბუშტუკებს არ გამოუშვებს. მიღებული ფაფა გადაიტანეთ სხვ ჭურჭელში, ზემოდან გადააფარეთ საკვები პლასტიკი ისე, რომ ეხებოდეს კრემს, და გააციეთ ოთახის ტემპერატურამდე. ცალკე ჭურჭელში ათქვიფეთ 300 გრამი კარაქი. ათქვეფილ კარაქს ეტაპობრივად შეათქვიფეთ გაციებული ფაფა, სანამ ჰაეროვან და ერთგვაროვან კრემს არ მიიღებთ.
