ტაფაზე დაასხით ზეთი, გააცხელეთ და დაუმატეთ კარაქი. როცა კარაქი გადნება, ჩაალაგეთ ქათმის ნაჭრები და შეწვით, სანამ არ დაიბრაწება. დაბრაწული ქათამი გადაიტანეთ თეფშზე. იმავე ტაფაში, ქათმის არომატიან ცხიმში, მოთუშეთ გაჭყლეტილი ნიორი. დაუმატეთ ნაღები, არაჟანი, მარილი და შავი წიწაკა, კარგად აურიეთ. როგორც კი სოუსი წამოდუღდება, ტაფაში დააბრუნეთ ქათმის ნაჭრები. დაახურეთ თავსახური და დაბალ ცეცხლზე 10-15 წუთი ადუღეთ.
