ჩაყარეთ ღორის ნეკნები ქვაბში, დაუმატეთ დაფნის ფოთლები, დაახურეთ თავსახური და კარგად მოშუშეთ ისე, რომ საკუთარ წვენშივე გამოიღოს სითხე. როცა ხორცი კარგად იშუშება, ჯერ წყალს გამოიღებს, შემდეგ დაიწყებს დაშრობას. ამის შემდეგ დაუმატეთ წვრილად დაჭრილი ხახვი, კვლავ დაახურეთ თავსახური და მოთუშეთ. სანაყში ჩაყარეთ 5-6 კბილი წვრილად დაჭრილი ნიორი, ცალკე სანაყში უცხო სუნელი, სვანური მარილი, ქინძი, ძირა და ჩვეულებრივი მარილი. ყველაფერი ერთად კარგად დანაყეთ. ხორციან ქვაბში ჩაამატეთ პომიდვრის ჩაშუშული (ან დაკონსერვებული პომიდორი), მეგრული აჯიკა, 1 ს/კ ტომატ-პასტა და წინასწარ დანაყული სუნელები ნიორთან ერთად. კარგად აურიეთ და თავსახურდახურული შუშეთ კიდევ 5-10 წუთის განმავლობაში. ამის შემდეგ ქვაბში ჩაამატეთ წვრილად დაჭრილი კარტოფილი და დაასხით ადუღებული წყალი იმდენი, რომ სრულად დაფაროს კარტოფილი. დაახურეთ თავსახური და ხარშეთ, სანამ კარტოფილი მზად იქნება. ბოლო წუთებში დაამატეთ წვრილად დაჭრილი მწვანილები (ქინძი და ოხრახუში) და მარილი გემოვნებით. კარგად აურიეთ და სოუზი მზადაა!
