ქათმის კუჭები კარგად გარეცხეთ, მოაცილეთ აპკები და დაჭერით 2–3 ნაწილად. დაასხით ცივი წყალი, დადგით ცეცხლზე და ადუღების შემდეგ ხარშეთ 45 წუთი (პერიოდულად მოაცილეთ ქაფი). შემდეგ ნახარში წყალი გადაღვარეთ. ხახვი და ნიორი დაჭერით წვრილ კუბიკებად, სტაფილო - ოთხკუთხედად, ხოლო ბულგარული წიწაკა და პომიდორი - საშუალო ზომის კუბიკებად. ტაფაზე გაცხელებულ ზეთში, საშუალო ცეცხლზე, ჯერ მოშუშეთ ნიორი, ხახვი და სტაფილო რბილ მდგომარეობამდე. დაამატეთ ბულგარული წიწაკა და შუშეთ კიდევ 3 წუთი. ტაფაში დაამატეთ დაჭრილი პომიდორი, მოხარშული კუჭები, დაფნის ფოთოლი, შავი პილპილი, მარილი და დაასხით 100–150 მლ ცხელი წყალი. დააფარეთ თავსახური და შუშეთ დაბალ ცეცხლზე 40–50 წუთი, სანამ კუჭები სრულად არ დარბილდება. რჩევა: თუ ჩაშუშვის პროცესში წყალი ამოშრება და ხორცი ჯერ კიდევ არ არის საკმარისად რბილი, ცოტაოდენი ცხელი წყალი ჩაამატეთ.
