ყველა გასატარებელი ინგრედიენტი კარგად გავრეცხოთ, გავასუფთავოთ და გავატაროთ. გატარებული მასა ჩავყაროთ დიდ ქვაბში, დავამატოთ ზეთი, მარილი და ყველა სანელებელი, მწვანილისა და ძმრის გარდა. დავდგათ დაბალ ცეცხლზე და ვადუღოთ დაახლოებით 1 საათი და 30 წუთი, დროდადრო აუცილებლად მოვურიოთ. მომზადების დასრულებამდე 10–15 წუთით ადრე დავამატოთ დაჭრილი ქინძი, ოხრახუში და ნიახური. ბოლოს, ცეცხლის გამორთვამდე, დავამატოთ ძმარი, კარგად მოვურიოთ და ცხელივე გადავიტანოთ სუფთა, გასტერილებულ ქილებში. ქილებს მჭიდროდ დავახუროთ თავსახურები და შევინახოთ მშრალ, ბნელ და გრილ ადგილას.