თასში მოათავსეთ ხაჭო, დაუმატეთ 1 კვერცხის გული, შაქარი, ვანილი და ქოქოსის ფანტელი. კარგად აურიეთ, რომ ერთგვაროვანი მასა მიიღოთ. მიღებული მასისგან საშუალო ზომის ბურთულები გააკეთეთ. ცალკე ჯამში ათქვიფეთ 4 კვერცხი და 1 კვერცხის ცილა, დაუმატეთ 150 გრ შაქარი და ვანილი. თქვიფეთ სანამ ჰაეროვან, ღია ფერის მასას არ მიიღებთ. მიღებულ მასას დაუმატეთ ფქვილი, კაკაო და გამაფხვიერებელი, კარგად შეურიეთ. ბოლოში დაუმატეთ 3 ს/კ ზეთი და კიდევ ერთხელ გადაურიეთ. საცხობ ფორმაში (ზომით დაახლოებით 20 სმ) ჩააფინეთ პერგამენტის ქაღალდი. ჩააწყვეთ გამზადებული ქოქოსის ბურთულები ფორმის ძირში ერთმანეთის მიყოლებით. ზემოდან თანაბრად გადაასხით მომზადებული შოკოლადის ცომი ისე, რომ ბურთულები მთლიანად დაიფაროს. შედგით წინასწარ გაცხელებულ ღუმელში 180 გრადუსზე, ზედა და ქვედა წვის რეჟიმზე, ზუსტად 45 წთ-ით.