ტაფაზე მოასხით მცირე რაოდენობით ზეთი (იმისათვის, რომ ქათამი თავიდანვე არ დაიწვას), შემდეგ ჩაასვენეთ ქათამი. ქათამს მოაყარეთ მარილი, დაადეთ თავსახური და ზემოდან დააწყვეთ სიმძიმე, რათა თანაბრად შეიწვას. კარგად დაბრაწეთ ქათამი ორივე მხრიდან (გაითვალისწინეთ, რომ ძალიან მაღალ ცეცხლზე არ უნდა შეწვათ, რადგან შემდგომში კიდევ ბევრჯერ დამუშავდება). როდესაც ქათამი ორივე მხრიდან კარგად დაიბრაწება, ამოიღეთ და დაჭერით. იმავე ტაფაზე მოუშუშეთ დაკეპილი ან დაჭყლეტილი ნიორი (2-3 წუთის განმავლობაში). დაამატეთ 700 მლ რძე (თუ ტრადიციული გირჩევნიათ, შეგიძლიათ ჩაანაცვლოთ წყლით). როდესაც რძე ადუღდება, დაამატეთ მარილი და შავი დაფქული წიწაკა გემოვნებით. ჩაალაგეთ ქათმის ნაჭრები რძიან მასაში და დააყოვნეთ 2-3 წუთი, რომ კარგად ადუღდეს და გაიჟღინთოს. გემრიელად მიირთვით!