ცხელი სენდვიჩი ქათმის ხორცით - მარტივი რეცეპტების მოყვარულებს
ცხელი სენდვიჩი ქათმის ხორცით - მარტივი რეცეპტების მოყვარულებს
დრო 40წთ
ულუფა 8
სირთულე მარტივი
შეინახე რეცეპტი

ინგრედიენტები

  • ხახვი - 1/2 თავი
  • ქათმის ფილე - 300 გ, მოხარშული
  • მდოგვი - 1 ჩ.კ
  • ოხრახუში - 1 კონა
  • მაიონეზი - 1/2 ჭიქა
  • მზა ფენოვანი ცომი ან საფუვრიანი ცომი - 500 გ
  • ბეკონი - 2-3 ფირფიტა
  • გახეხილი ყველი - 1 ჭიქა
  • პამიდორი - 1
მომზადების წესები
მაიონეზი, დაჭრილი ოხრახუში, ხახვი და მდოგვი ერთმანეთში ავურიოთ. ჩავამატოთ დაჭრილი ქათმის ხორცი, ბეკონი და გახეხილი ყველი.

ცომი გავაბრტყელოთ და თანაბარი ზომის 16 სამკუთხედად დავჭრათ. ფორმაში წრიულად ჩავალაგოთ, ისე, რომ სამკუთხედის განიერ მხარეს, ერთი წვერო მეორეზე გადადიოდეს. ამ მხარესვე დავალაგოთ გულსართი, ზემოდან დავამატოთ წვრილად დაჭრილი პამიდორი და წვერო ზემოდან გადმოვაკეცოთ.

გამოვაცხოთ 180 გრადუსზე, სანამ ოქროსფერს არ მიიღებს. შემდეგ თეფშზე გადავიტანოთ, შუაში სალათა მოვათავსოთ და სუფრასთან მივიტანოთ