ცომისთვის შეურიეთ კვერცხი, თაფლი, სოდა და კარაქი. დადგით ორთლზე და ურიეთ სანამ კარგად არ გაიხსნება. დაამატეთ კაკაო და ათქვიფეთ. ბოლოს შეურიეთ ფქვილი. ცომი გადაიტანეთ ფქვილმოყრილ დაფაზე და გაყავით რამდენიმე ნაწილად, იმის მიხედვით თუ რამხელა ფორმაში აცხობთ. თითოეული ნაწილი კარგად გააბრტყელეთ და აცხვეთ დაახლოებით 4 წუთი 180 გრადუსზე. კრემისთვის შეურიეთ რძე, კვერცხი, ფქვილი და შაქარი, დადგით საშუალო ცეცხლზე და მოხარშეთ გამუდმებული მორევით. რომ წამოდუღდება ცეცხლი მინიმუმზე დაიყვანეთ. კრემი რომ კეფირის სისქისა გახდება, გადმოიღეთ, დაამატეთ ვანილი და კაკაო. გაციებულ კრემს დაამატეთ კარაქი და ათქვიფეთ. თითოეულ ფენას წაუსვით კრემი, შემდეგ მოაყარეთ ნიგოზი. ბოლო ფენას კრემი არ წაუსვათ.მინანქრისთვის გაადნეთ შოკოლადი კარაქთან და რძესთან ერთად. მოასხით ტორტს ზემოდან.