რძეს და წყალი შევურიოთ, გავათბოთ, დავამატოთ შაქარი და საფუარი. ვადროვოთ 15 წუთი, შემდეგ დავამატოთ კვერცხი, დარბილებული ან გამდნარი კარაქი, მარილი, ვანილი. ავურიოთ და დავიწყოთ ფქვილის დამატება. ცომი საშუალო სიმაგრის და ელასტიური უნდა იყოს. დავდგათ ცომი ასაფუებლად სითბოში. აფუებული ცომი 1 სმ სისქეზე გავაბრტყელოთ და გამოვჭრათ რგოლები. ვაცალოთ ხელახალი ამოფუება. ღრმა ქვაბში ან ტაფაში გავაცხელოთ იმდენი ზეთი, რომ ცომი ტივტივებდეს. შევწვათ ფუნთუშები საშუალო ცეცხლზე, ორივე მხრიდან. შემდეგ გადავიტანოთ ხელსახოცზე, ცხიმისგან დასაწდობად. მზა ფუნთუშები გვერდზე ჩავჭრათ და ჩავუდოთ სასურველი გულსართი.