ხახვი წვრილად დავჭრათ, სტაფილო კი გავხეხოთ. მოვშუშოთ ქვაბში, ცოტაოდენ ზეთში. დავამატოთ დაჭრილი კარტოფილი და დავასხათ მდუღარე წყალი. ვხარშოთ 10-15 წუთი. კარტოფილი თითქმის მზად რომ იქნება, ჩავამატოთ დანაწევრებული ბროკოლი და ყვავილოვანი კომბოსტო. ვხარშოთ 2-3 წუთი, შემდეგ ჩავჭყლიტოთ კარტოფილის საჭყლეტით მოხარშული ბოსტნეული. აუცილებელი არ არის რომ სუპი ერთგვაროვანი გახდეს. დავამატოთ მდნარი ყველი და კარგად გავხსნათ. ერთხელ კიდევ წამოვადუღოთ და გადმოვიღოთ ცეცხლიდან. შევაზავოთ მარილით და პილპილით.