1-ლი ვერსია: სუბპროდუქტები კარგად გარეცხეთ, შემდეგ დაჭერით და მოათავსეტ ქვაბში. წვრილად დაჭერით ქონი და დაამატეთ ყაურმას. დაასხით ნახევარი ლიტრი წყალი და დადგით დაბალ ცეცხლზე. გაითვალისწინეთ, ქონი უნდა იყოს შიდა ორგანოებიდან აღებული, ბადისებური და არა კანთან განთავსებული სქელი ფენა. თუ არ გაქვთ ასეთი, გამოდგება კარაქიც. წამოღებული ქაფი მოხადეთ. სანამ ყველაფერი იხარშება დაჭერით ხახვი. დუღილიდან დაახლოებით 20-30 წუთის შემდეგ ჩაამატეთ ყაურმას ხახვი და შუშეთ თავახდილი. როცა ხახვი დარბილდება, დაამატეთ მარილი, პილპილი და დაჭრილი ქინძი. შეგიძლიათ მოაყაროთ ბროწეულის მარცვლები.მე-2 ვერსია:ყაურმის მეორე ვარიანტს ემატება პომიდორი და სუნელები. დაჭრილი სუბპროდუქტები მოათავსეთ , დაასხით ისევ 500 მლ წყალი და მოხარშეთ. წამოდუღების შემდეგ დაბალ ცეცხლზე ხარშეთ თავახდილი, რომ სითხემ დაიკლოს. დაახლოებით 20-30 წუთში დაამატეთ გახეხილი პომიდორი ან პომიდვრის პიურე და ქონდარი. წამოადუღეთ და ხარშეთ 10-15 წუთი. შემდეგ დაამატეთ დაჭრილი ნიორი, მარილი, პილპილი და ქინძი
