ფენქეიქის "ქისა" - ორიგინალური ფორმა და დაუვიწყარი გემო
თქვენ დაგჭირდებათ:

100 გ. ფქვილი;
15 გ. კაკაოს ფხვნილი;
15 გ. შაქრის პუდრა;
მწიკვი მარილი;
2 კვერცხი;
225 მლ. რძე;
50 მლ. წყალი;
30 გ. კარაქი;
100 გ. გაყინული ჟოლო;
ვანილის ნაყინი;
მარწყვის თასმა (იყიდება პაკეტებში).

მომზადების წესი:

შეურიეთ ფქვილი, შაქრის პუდრა, კაკაო, მარილი, ჩაახალეთ კვერცხი. რძეში შეურიეთ წყალი და ნელ-ნელა დაუმატეთ ცომს, თან თქვიფეთ.

გაადნეთ კარაქი ტაფაზე, საშუალო ცეცხლზე. აიღეთ კოვზით ცომი და თხელ ფენად მოასხით ტაფაზე. აცხვეთ 2.5 წუთი და შემდეგ გადააბრუნეთ.

გაყინული ჟოლო ჩაყარეთ ქვაბში, დაუმატეთ 3 ს. კ. წყალი და თავდახურული ძალიან დაბალ ცეცხლზე ხარშეთ 5-6 წუთის განმავლობაში (შეგიძლიათ გამოიყენოთ ახალი ჟოლო 5-6 ს.კ. წყალთან ერთად).

ბლინის ცენტრში მოათავსეთ ვანილის ნაყინი, ზემოდან მოასხით ჟოლო, მიეცით ტომსიკას ფორმა, შეკარით მარწყვის ზონარით. დატკბით ულამაზესი და უგემრიელესი ნუგბარით!
ტეგები:
ნანახია: 1456