ქვაბში მოვათავსოთ კარაქი და მარილი, დავასხათ 250 მლ წყალი და დავდგათ ცეცხლზე რომ კარაქი გადნეს. გადმოვიღოთ ცეცხლიდან, დავამატოთ ფქვილი და ავურიოთ. დავაბრუნოთ ცეცხლზე, თან გამუდმებით ვურიოთ სანამ ცომი ნაპირებს არ მოსცილდება.ცომი გადავიღოთ თასში, შევურიოთ ჯერ ყველი, შემდეგ კი სათითაოდ კვერცხებიც. ცომი 30 წუთით მაცივარში გავაციოთ, შემდეგ კი გავაკეთოთ ბურთულები ჩაის კოვზის დახმარებით.ღრმა ქვაბში ან ფრიტიურში გავაცხელოთ ზეთი და ნაწილ-ნაწილ შევწვათ ბურთები საშუალო ცეცხლზე.მივირთვათ მაშინვე.
