დიეტოლოგმა 8 პროდუქტი დაასახელა, რომელიც საღამოს უნდა მიირთვათ, რომ ძილი გაიუმჯობესოთ
თუ ამ პროდუქტებს ვახშამზე მიირთმევთ, გაცილებით უკეთ დაიძინებთ.
ნუში
ნუშის რეგულარული მიღება ამცირებს ქრონიკული დაავადების რისკს, როგორიცაა დიაბეტი და გულის დაავადება, ჯანსაღი ცხიმების, ბოჭკოების და ანტიოქსიდანტების წყალობით. ნუში არის ჰორმონ მელატონინის წყარო, რომელიც არეგულირებს "შინაგან საათს" და სიგნალს აძლევს ორგანიზმს, მოემზადოს ძილისთვის. ნუში ასევე შეიცავს მაგნიუმს, რომლის მიღება ხელს უწყობს ძილის ხარისხის გაუმჯობესებას, განსაკუთრებით მათთვის, ვისაც უძილობა აწუხებს. მაგნიუმი ამცირებს ანთებას და სტრესის ჰორმონის კორტიზოლის დონეს, რომელიც ხელს უშლის დაძინებას " - ამბობს დიეტოლოგი.
ინდაურის ხორცი
ინდაურის ხორცი მდიდარია ცილებით, რაც მნიშვნელოვანია კუნთების სიძლიერის შესანარჩუნებლად და მადის დასარეგულირებლად. გარდა ამისა, ინდაური არის ვიტამინებისა და მინერალების წყარო, როგორიცაა: რიბოფლავინი, ფოსფორი და სელენი.
„ინდაურის ხორცს აქვს რამდენიმე თვისება, კერძოდ, ის შეიცავს ამინომჟავას ტრიპტოფანს, რომელიც ზრდის მელატონინის გამომუშავებას. გარდა ამისა, არსებობს მტკიცებულება, რომ ცილის ზომიერი მოხმარება ძილის წინ ასოცირდება ძილის უკეთეს ხარისხთან, მათ შორის, ნაკლებ გამოღვიძებასთან ღამით“.
გვირილის ჩაი
პოპულარული მცენარეული ჩაი შეიცავს ფლავონებს, ანტიოქსიდანტებს, რომლებიც ამცირებენ ანთებას, რაც ხშირად იწვევს ქრონიკულ დაავადებას. ასევე, არსებობს მტკიცებულება, რომ გვირილის ჩაის შეუძლია გააძლიეროს იმუნური სისტემა, შეამციროს შფოთვა, დეპრესია და გააუმჯობესოს კანის მდგომარეობა.
რა სარგებელი აქვს გვირილის ჩაის? – პასუხები გიორგი ღოღობერიძისგან
კივი
ერთი კივი შეიცავს 42 კალორიას და საკვები ნივთიერებების მნიშვნელოვან რაოდენობას, მათ შორის C ვიტამინს, K ვიტამინს, ფოლიუმის მჟავასა და კალიუმს. "კივის ჭამა კარგია საჭმლის მონელებისთვის, ეფექტურად ხსნის შეკრულობას, ამცირებს ანთებას და აქვეითებს ქოლესტერინს. ეს ეფექტი განპირობებულია კივში ბოჭკოსა და კაროტინოიდული ანტიოქსიდანტების მაღალი შემცველობით", - ამბობს დიეტოლოგი.
ზღვის თევზი
ორაგული, თინუსი, კალმახი, სკუმბრია და სხვა ცხიმიანი თევზი წარმოუდგენლად ჯანსაღია. ისინი შეიცავს D ვიტამინს და ომეგა 3-ის ცხიმოვან მჟავას, რომელიც იცავს გულის დაავადებებისგან და აუმჯობესებს გონების მუშაობას. ეს კომბინაცია პოტენციურად აუმჯობესებს ძილის ხარისხს, რადგან ისინი ხელს უწყობენ სეროტონინის გამომუშავებას.
როგორ დავამარილოთ ორაგული სახლის პირობებში - 2 მეთოდი, რომლებიც თავს შეფმზარეულად გაგრძნობინებთ
ნიგოზი
ნიგოზი განსაკუთრებით მდიდარია მაგნიუმით, ფოსფორით, მანგანუმით და სპილენძით. გარდა ამისა, ის არის ჯანსაღი ცხიმების შესანიშნავი წყარო, მათ შორის ომეგა 3-ის ცხიმოვანი მჟავებისა და ლინოლეინის მჟავის. შეიცავს პროტეინს, რაც ამცირებს მადას.
პასიფლორას ჩაი
პასიფლორას ჩაი ანტიოქსიდანტების მდიდარი წყაროა, რომელიც ამცირებს ანთებას, აძლიერებს იმუნურ სისტემას და ამცირებს გულ-სისხლძარღვთა დაავადებების რისკს. პასიფლორის ჩაის დამამშვიდებელი თვისებები ხელს უწყობს დაძინებას.
თეთრი ბრინჯი
"ნახშირწყლების მაღალი შემცველობისა და ბოჭკოების ნაკლებობის გამო, თეთრ ბრინჯს აქვს მაღალი გლიკემიური ინდექსი. ეს არის საზომი, თუ რამდენად სწრაფად ამაღლებს საკვები სისხლში შაქრის დონეს. მეცნიერები ვარაუდობენ, რომ თეთრი ბრინჯის ძილის წინ ერთი საათით ადრე მიღება, ხელს უწყობს ძილის ხარისხის გაუმჯობესებას.
ბრინჯი ბოსტნეულითა და ჯანჯაფილით - სამარხვო და ნოყიერი კერძი