5 რამ, რაც წელს გოგრისგან უნდა მოამზადოთ - Gemrielia.ge

5 რამ, რაც წელს გოგრისგან უნდა მოამზადოთ

გოგრა ჩვენში საკმაოდ გავრცელებული პროდუქტია. მისი უამრავი ჯიში არსებობს, მათ შორის შხამიანიც კი. გოგრა შეიძლება იყოს ნებისმიერი ზომის - ხელისგულისოდენიდან დაწყებული, გიგანტური, 100-კგ-იანი ნაყოფით დამთავრებული; შეიძლება ჰქონდეს მწვანე, ყვითელი, სალათისფერის, ნარინჯისფერი შეფერილობა. გოგრა მიკროელემენტებითა და მინერალებით ერთ-ერთი ყველაზე მდიდარი პროდუქტია. მის სასარგებლო თვისებებზე არ შევჩერდებით, შეგიძლიათ აქ წაიკითხოთ, დღეს კი გიზიარებთ რამდენიმე რეცეპტს, რომელთათვისაც პირველ რიგში სწორედ გოგრა დაგჭირდებათ.

1. გოგრის არომატული კრემ-სუპი

პირველი კერძი, რომელიც გოგრაზე მახსენდება, კრემსუპია. თანაც, შემოდგომას ხომ ყველაზე მეტად უხდება წვნიანები. ამ გემრიელი სუპის მოსამზადებლად დაგჭირდებათ:

  • გოგრა
  • გოგრის რბილობი
  • მუსკატის კაკალი (ჯავზი)
  • მარილი და პილპილი
  • სასურველი მწვანილი
  • არაჟანი ან ნაღები - 50 მლ
  • ზეითუნის ზეთი - 1 სკ
  • გოგრის თესლი, მოხალული - 1 სკ
  • ქათმის ან ბოსტნეულის ბულიონი - 1 ჭიქა
  • რბილი ყველი - 100 გ
  • ხახვი - 1 თავი

gogriskremsufi.jpg

მომზადების წესის სანახავად დააჭირეთ ფოტოს

2. „ღააბაქხ ხინგალიშ“ ანუ გოგრის ხაჭაპური

ცომიც მარტივად მზადდება და შიგთავსისთვისაც ბევრი არაფერი დაგჭირდებათ. შეგიძლიათ გახეხილი ყველი ან კარტოფილი შეურიოთ, ძალიან კარგი გამოდის.

დაგჭირდებათ:

შიგთავსი

  • შაქარი ან თაფლი
  • შავი პილპილი
  • გოგრის პიურე

ცომი:

  • მარილი - 1 ჩკ
  • სოდა - 0.25 ჩკ
  • ფქვილი - 1 კგ

gogra7.jpg

მომზადების წესის სანახავად დააჭირეთ ფოტოს

3. გოგრის ფხალი

„ვისაც არ გაგისინჯავთ გოგრის ფხალი, აუცილებლად გასინჯეთ. ძალიან უხდება ღომს, ასევე მჭადსაც“ – ამბობს მირანდა ქაჯაია, ჩვენი ფეისბუქჯგუფის წევრი და რეცეპტს გვიზიარებს.

დაგჭირდებათ:

  • გოგრა
  • ბროწეული
  • მარილი
  • ძმარი - 2 სკ
  • ცოცხალი ქინძი - 10 ღერო
  • ყვითელი ყვავილი
  • ბულგარული წიწაკა ხახვი
  • მწვანე წიწაკა - 1 ცალი
  • ნიორი - 4 კბილი
  • ნიგოზი - 100 გრ

gogris_fxali.jpg

მომზადების წესის სანახავად დააჭირეთ ფოტოს

4. გოგრის მაფინები ლიმონის ცედრით

გოგრისგან შესანიშნავი დესერტებიც მზადდება. გიტოვებთ რეცეპტს, რომელიც ციტრუსის არომატის მოყვარულებს განსაკუთრებით მოგეწონებათ.

დაგჭირდებათ:

  • ფქვილი - 2 ჭიქა
  • შაქრის პუდრა
  • სოდა - 0.5 ჩკ
  • ვანილი
  • კვერცხი - 2 ცალი
  • შაქარი - 1 ჭიქა
  • მწიკვი მარილი
  • ზეთი - 1 სკ
  • კარაქი - 120 გ
  • ნაღები ან რძე - 100 მლ
  • 1 ლიმონის ცედრა
  • მოხარშული გოგრის რბილობი - 200 გ

gogrismafinebi.jpg

მომზადების წესის სანახავად დააჭირეთ ფოტოს

5. გოგრის ჯემი

ეს არის ნაკლებად ცნობილი რეცეპტი, რომელიც გულგრილს არავის დატოვებს.

დაგჭირდებათ:

  • ლიმონმჟავა - 1 ჩკ
  • შაქარი - 800 გრ
  • ფორთოხალი - 2 ცალი
  • გოგრა - 1 კგ

gogrisjemi.jpg

მომზადების წესის სანახავად დააჭირეთ ფოტოს

ბონუსი: დაგიტოვებთ კიდევ ერთ რეცეპტს. ეს არის გოგრის წვენი, რომლის რეცეპტიც ჩვენმა მკითხველმა ნათია კაჭარავამ გაგვიზიარა.

ინგრედიენტები:

  • ლიმონმჟავა - 1.00 ჩკ
  • შაქარი
  • ცივი წყალი - 2.00 ლ
  • ტკბილი გოგრა - 2.00 კგ

gogriswveni.jpg

მომზადების წესი:

თხელკანიანი ტკბილი გოგრა გავასუფთავე კანისა და კურკებისგან, დავჭერი პატარა კუბიკებად, მზა გამოვიდა 2 კგ, დავფარე წყლით. როცა ადუღდა, დავახურე თავისაბოლოო მოხარშვამდე.

მოხარშული ნაყოფი თავისნახარშში წყლის გარეშე დავაბლენდერე, ჩავასხი იმავე ქვაბში, დავასხი ცივი წყალი 2 ლ(შეგიძლიათ ზამთარში ქილის გახსნის შემდეგაც დაამატოთ წყალი, მე ასე მირჩევნია)

როცა მასა ადუღდა, ქაფი მოვხადე, დავუმატე შაქარი გემოვნებით (ცოტას ვუმატებ) და 1 ჩკ ლიმონმჟავა. ადუღდა და ცხელივე ჩავასხი დასტერილებულ ქილებში, შევფუთე გაგრილებამდე.

თქვენ რას ამზადებთ გოგრისგან?